ბრატისლავაში დღეს ევროკავშირის არაფორმალური სამიტი გაიმართება, სადაც ევროკავშირის ქვეყნების ლიდერები “ბრექსითის” შემდეგ ევროკავშირის მომავალზე იმსჯელებენ.

BBC-ის ცნობით, სამიტზე რაიმე გადაწყვეტილებების მიღება ან დოკუმენტების ხელმოწერა არ იგეგმება. ევროპელი ლიდერები მოლაპარაკებებს დახურულ კარს მიღმა გამართავენ.

ევროკავშირის საბჭოს პრეზიდენტმა დონალდ ტუსკმა სექტემბრის დასაწყისში განაცხადა, რომ ბრატისლავაში ევროკავშირის ლიდერებმა “პოლიტიკური ერთიანობის გრძნობა უნდა ააღორძინონ”.

ბრატისლავის სამიტის წინ ტუსკმა და ანგელა მერკელმა ევროპული ტურნე გამართეს და ევროკავშირის ლიდერებს შეხვდნენ, მათი პოზიციების გასაგებად.

6 სექტემბერს ვიშეგრადის ოთხეულის - პოლონეთის, ჩეხეთის, სლოვაკეთისა და უნგრეთის პრემიერ-მინისტრებმა გამართეს შეხვედრა, რის შემდეგაც მათ აღნიშნეს, რომ ბრატისლავაში დაგეგმილ სამიტზე ევროკავშირის რეფორმის გეგმას წარადგენენ.

ამასთან, ევროპული მედიის ცნობით, ბრატისლავაში ევროპელი ლიდერები განიხილავენ ევროკავშირის სამხედრო თანამშრომლობის გაძლიერების შესახებ საფრანგეთისა და გერმანიის ინიციატივას.

კიდევ ერთი საკითხი, რომელსაც სამიტზე განიხილავენ მიგრაციული კრიზისია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის