„ერთიანი ნაციონალური მოძრაობის“ საერთაშორისო მდივანი გიგა ბოკერია ბიძინა ივანიშვილის განცხადებას, რომ „ნაციონალურ მოძრაობას“ ქვეყანაში დესტაბილიზაცია სურს, ეხმაურება და აცხადებს, რომ ხელისუფლებას „ნაციონალური მოძრაობის“ გარდა სხვა არაფერი აწუხებს.

ბოკერიას თქმით, პანიკის საქმეში მარიონეტების შემდეგ თავად ბელადი ბიძინა ჩაერთო. 

„ეს გასაგებია. დავაკვირდეთ რა აწუხებს ბიძინას და მის რაზმს - უმუშევრობა? - არა, სიღარიბის ზრდა? - არა, კრიმინალის ზრდა? - არა. აწუხებთ მხოლოდ „ნაციონალური მოძრაობა“ და სხვა სათქმელი არ აქვს. ზუსტად ამიტომ და იმის გამო, რომ 4 წელია მავნებლობის გარდა არაფერი გაუკეთებია, 8 ოქტომბერს ხალხი მათ გადაირჩევს და მომავალმა მთავრობამ უნდა მივხედოთ საქმეს", - განაცხადა ბოკერიამ.

შეგახსენებთ, რომ ბიძინა ივანიშვილის განცხადებით, "ნაციონალურ მოძრაობას" დესტაბილიზაციის მცდელობა პირველივე დღიდან ჰქონდა. 

"მთელი "ნაციონალური მოძრაობა" კუთხეშია შეყრილი, ბოლო შემოდგომა დარჩათ და კარგად იციან, რომ არჩევნების გზით, ლეგიტუმარად ხელისუფლების ხელში ჩაგდების შანსი არ აქვთ", - განაცხადა ივანიშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის