ნაძალადევის რაიონში, თემქაზე, ურეკის ქუჩა №4-ში, ახალი საბავშვო ბაგა-ბაღის მშენებლობა დაიწყო.

შენობის საძირკველში სიმბოლური კაფსულა დღეს თბილისის მერმა დავით ნარმანიამ შვილებთან,  საბავშვო ბაგა-ბაღების მართვის სააგენტოს ხელმძღვანელთან, თემურ თორდინავასთან, საკრებულოს თავმჯდომარის პირველ მოადგილესთან, გიორგი ტყემალაძესთან და სამშენებლო კომპანია ,,BUILD TERRITORY’’-ს წარმომადგენლებთან ერთად ჩადო.

ბაღი ყოფილი №113 ბაღის ტერიტორიაზე შენდება.  ორსართულიანი შენობა 1 483 კვ.მ-ზე განთავსდება. ბაღში 10 ჯგუფი (2 ბაგა) გაიხსნება და სკოლამდელი განათლების მიღებას 400-მდე ბავშვი შეძლებს. ბაღში  65-მდე ადამიანი დასაქმდება.

თბილისი მერის განცხადებით, საარჩევნო დაპირებები სრულდება და ბაღების მშენებლობა ინტენსიურ რეჟიმში მიმდინარეობს. 

„ეს მეოთხე საბავშვო ბაღია, რომლის მშენებლობაც დავიწყეთ და მომდევნო წლის მაისის ბოლოს დავამთავრებთ. წელს კიდევ ექვსი ახალი ბაღის მშენებლობას დავიწყებთ. სამი ახლად აშენებული ბაღი კი უკვე მზად არის და უახლოეს მომავალში გავხსნით, რათა დამატებით  მივიღოთ აღსაზრდელები. ასე რომ, მომდევნო წლის ბოლოს, ყველა ის ძირითადი დანაპირები, რაც გვქონდა ბაღების მშენებლობასთან დაკავშირებით, გვექნება შესრულებული“- განაცხადა დავით ნარმანიამ. 

აღსანიშნავია, რომ თემქაზე მშენებარე ბაღის შენობა განსაკუთრებული საჭიროების მქონე ბავშვებისთვის ადაპტირებული იქნება. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა