,,ქართული ოცნება- დემოკრატიული საქართველოს“ ბორჯომი-ასპინძის მაჟორიტარი დეპუტატობის კანდიდატი, გედევან ფოფხაძე ასპინძის მუნიციპალიტეტის სოფელ ოთას, ორგორასა და რუსთავის ამომრჩეველს შეხვდა.

 დეპუტატობის კანდიდატმა მოკლედ მიმოიხილა ,,ქართული ოცნების“ მიერ ოთხი წლის განმავლობაში განხორციელებული, ხალხზე ორიენტირებული პროექტები. მათ შორის  ეკონომიკის, ინფრასტრუქტურის, სოციალური და ჯანდაცვის მიმართულებით.

გედევან ფოფხაძემ ასევე ისაუბრა მთის კანონზე, რომლითაც მაღალმთიანი სოფლები ისარგებლებენ. ასპინძის მუნიციპალიტეტზე კი იგი სრულად ვრცელდება. მაჟორიტარი დეპუტატობის კანდიდატმა მოსახლეობისგან  მოისმინა პრობლემები,რაც ძირითადად სოციალურ და ყოფით საკითხებს შეეხებოდა- გზა, სარწყავი წყალი,გარე განათება, გაზიფიცირება.

 ,,ყველანაირად ვეცდებით, რომ ორ-სამ წელიწადში თქვენ გქონდეთ საბავშვო ბაღი, გზები, მოხდეს სოფლების გაზიფიცირება.თუმცა, ყველაფერი ერთად ვერ გადაწყდება. მინდა, გჯეროდეთ, ჩემი უმნიშვნელო დაპირება გაცილებით რეალური იქნება,ვიდრე სხვისი გულუხვი შემოთავაზება. ჩვენ უნდა დავსახოთ რეალური, სწორი გზა, რომ ხალხი არ დარჩეს მოტყუებული და იმედგაცრუებული,” -განაცხადა გედევან ფოფხაძემ.

ამომრჩევლებთან შეხვედრებს განაგრძობს „ქართული ოცნება -დემოკრატიული საქართველოს” ახალციხისა და ადიგენის მაჟორიტარი დეპუტატობის კანდიდატი, გიორგი კოპაძე.

ამჯერად იგი არზნეს, ფლატეს, მლაშეს, გორგულის, ყარათუბანის, იჯარეთის, სამყურის, ღორძეს და ლელოვანის სოფლების მოსახლეობას შეხვდა.

„მე და ჩემი გუნდი ყოველთვის ვისმენდით და ვითვალისწინებდით ხალხის აზრს. მოსახლეობის ნდობის გამოცხადების შემთხვევაში, ჩვენი ორმხრივი ურთიერთობა კვლავ გაგრძელდება და მე ვიქნები თქვენი ინტერესების დამცველი პარლამენტში.ჩვენი ხელისუფლების მთავარი პრიორიტეტი თითოეულ მოქალაქეზე ზრუნვაა“,- განაცხადა გიორგი კოპაძემ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის