საქართველოს იუსტიციის სამინისტროს მმართველობის სფეროში მოქმედი სსიპ „დანაშაულის პრევენციის ცენტრის“ სამართლის საზაფხულო სკოლის მონაწილეებს ფოტორეპორტიორი გოგა ჩანადირი შეხვდა. 

შეხვედრა იუსტიციის სასწავლო ცენტრის ყვარლის კომპლექსში გაიმართა.  

სტუმარი ახალგაზრდებს   სამოქალაქო პასუხისმგებლობისა და ფოტოხელოვნების შესახებ ესაუბრა. გოგა ჩანადირმა მცირე პრეზენტაციის სახით წარადგინა სხვადასხვა ქვეყანაში გადაღებული საუკეთესო ფოტონამუშევრები; ისაუბრა ფოტოხელოვნების მინიმალური სტანდარტებისა და იმ გამოწვევების შესახებ, რომლებიც თან ახლავს მის პროფესიას. შეხვედრის ძირითადი დრო სამოქალაქო ცნობიერების ამაღლებასა და მოხალისეობრივი საქმიანობის  მნიშვნელობას დაეთმო. 

სსიპ „დანაშაულის პრევენციის ცენტრის“  სამართლის საზაფხულო სკოლა მაღალმთიან რეგიონებსა და სოფლად მცხოვრები ახალგაზრდების მხარდაჭერის მიზნით შეიქმნა. მასში სხვადასხვა რეგიონიდან, 14-18 წლის 26 მოზარდი მონაწილეობს. საზაფხულო სკოლაში ახალგაზრდები ესწრებიან სამართლებრივ ლექცია/სემინარებს, ტრენინგებს არაფორმალური განათლების მიმართულებით; ისმენენ საზოგადოებისთვის ცნობილი და წარმატებული ადამიანების საჯარო ლექციებს. თეორიული მასალის გარდა, ტარდება გუნდური თამაშები, სახალისო სავარჯიშოები, ფილმების ჩვენება და სხვა. სამართლის საზაფხულო სკოლა 5 სექტემბერს გაიხსნა და 9 სექტემბერს დასრულდება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საია: ევროპის საბჭოს კომისარი შეუერთდა საქართველოს „უცხოელი აგენტების“ შესახებ კანონის საქმეს

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი