ჩრდილოატლანტიკური საბჭოს სხდომის ჩატარება ნათელ გზავნილს წარმოადგენს, რომელიც საქართველოს სუვერენიტეტის, ტერიტორიული მთლიანობის და საქართველოს ნატო-ში ინტეგრაციიის გზას მტკიცე მხარდაჭერას უცხადებს, - ამის შესახებ საქართველოს პრეზიდენტმა გიორგი მარგველაშვილმა პრესკონფერენციაზე განაცხადა.

როგორც საქართველოს პრეზიდენტმა აღნიშნა, ქვეყანას გააჩნია ყველა პრაქტიკული ინსტრუმენტი, რომელიც ნატო-ში გაწევრიანებას ხელს შეუწყობს. 

„საქართველოს ალიანსში ინტეგრაციის ხარისხი წლიდან წლამდე იზრდება, დღეს ჩვენ გაგვაჩნია ყველა პრაქტიკული ინსტრუმენტი, რომელიც ჩვენს ქვეყანას ნატო-ს წევრობისკენ მოამზადებს და მაქსიმალურად ეფექტიანად იქნება გამოყენებული თავდაცვის უნარიანობის ამაღლების თავსაზრისით . მინდა კმაყოფილებით ავღნიშნო, რომ ალიანსის ყველა წევრი სახელმწიფო მზად არის გავგვიწიოს დახმარება ვარშავაში მიღწეული შეთანხმებების რეალიზაციაში. დარწმუნებული ვარ, რომ ჩვენი შესაძლებლობები სწორად იქნება შეფასებული და წარმოადგენილი ბრიუსელის სამიტზე. თავის მხრივ საქართველო აქტიურად არის ჩართული საერთაშორისო მისიებში, ჩვენ ევროატლანტიკურ პარტნიორებთან ერთად", - განაცხადა პრეზიდენტმა.

ცნობისთვის, საქართველოს პრეზიდენტის და ნატო-ს გენერალური მდივნის ერთობლივი პრესკონფერენცია მიმდინარეობს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი უკრაინის პრემიერ-მინისტრს და ძალოვან მინისტრებს ცვლის

სიკორსკი: რუსეთს პოლონეთზე თავდასხმის რესურსები არ აქვს, მაგრამ ისინი რაღაცას ამზადებენ

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა