2016-09-07 16:13:45, 1813 ნახვა
სამართალი
თბილისის საქალაქო სასამართლოში „ცენტრ პოინტის“ 7 მოწმე დაიკითხა
თბილისის საქალაქო სასამართლოში „ცენტრ პოინტის“ საქმის მორიგი სასამართლო პროცესი დასრულდა. დღევანდელ სხდომაზე ბრალდების მხარის 7 მოწმე დაიკითხა, რომლებსაც ბინა 2008 წელს კრწანისში უნდა მიეღოთ.
მოწმეების ჩვენების თანახმად, საკუთარი ვალდებულებების სრულად შესრულების მიუხედავად, ფართებით დღემდე არ არიან დაკმაყოფილებულები.
შეგახსენებთ, რომ აღნიშნულ საქმეში ბრალდებულები არიან რუსუდან კერვალიშვილი, მაია რჩეულიშვილი და ივანე ცაგურია. ცნობისთვის, დღევანდელ სხდომას სამივე ბრალდებული ესწრებოდა. შემდეგი პროცესი 12 სექტემბერს 14:00 საათზე კვლავ ბრალდების მხარის მოწმეების დაკითხვით განახლდება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
