„ნაციონალური მოძრაობის“ წევრი ოთო კახიძე „ექსპრესნიუსთან“ საუბრისას მთის კურორტების განვითარების კომპანიის სახელმწიფო შპს-ს  ხელმძღვანელად  სოსო ჯაჭვლიანის წარდგენას ეხმაურება და ამბობს, რომ ჯაჭვლიანი არის არაკომპეტენტური ადამიანი, რომელიც უუნაროა და არ შეუძლია რომელიმე სტრუქტურა მართოს.

„სოსო ჯაჭვლიანის მთის კურორტების განვითარების კომპანიის სახელმწიფო შპს-ს  ხელმძღვანელად დანიშვნა ნიშნავს, რომ მთავრობა უმუშევართა პრობლემების გადაწყვეტის ნაცვლად, ახალ შპს-ს ქმნის.  ამ ორგანიზაციაში კი ხელმძღვანელად ღრმად არაკომპეტენტური ადამიანი ინიშნება. ჯაჭვლიანი არის უუნარო, რომ რომელიმე სტრუქტურა მართოს და რაიმე საქმე წინ წაიყვანოს. მმართველ გუნდს სურს ბიუჯეტის ფულით დაუნიშნოს ხელფასი იმ ადამიანს, რომელიც საარჩევნო სიაში ვერ მოხვდა. ეს ყოველივე გავს ხელისუფლებასა და სოსო ჯაჭვლიანს შორის გარიგებას. თუმცა, 8 ოქტომბრიდან ყველას ვპირდები, რომ მსგავსი პრაქტიკა აღმოიფხვრება“, - აცხადებს კახიძე.

შეგახსენებთ, მთის კურორტების განვითარების კომპანიაში სახელმწიფო შპს შეიქმნება, რომელსაც სოსო ჯაჭვლიანი უხელმძღვანელებს.  აღნიშნულის შესახებ დღეს მთავრობის სხდომაზე პრემიერმა გიორგი კვირიკაშვილმა განაცხადა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა