საქართველოს პრეზიდეტის გიორგი მარგველაშვილის განცხადებით, მისი ოჯახის წევრზე ზეწოლასთან დაკავშირებით გაკეთებულმა განცხადებამ შედეგი გამოიღო, - ამის შესახებ პრეზიდენტმა "გურია ნიუსის" გადაცემა "არჩევანში" განაცხადა. 

როგორც მარგველაშვილმა აღნიშნა, განცხადება მას შედეგ გააკეთა, რაც საკონსტიტუციო სასამართლოს თავმჯდომარემ მოსამართლეთა წეზოლის ფაქტებზე ისაუბრა.

„ეს იყო განცხადება, რომელმაც გამოიღო თავისი მნიშვნელოვანი შედეგი. ეს განცხადება გაკეთდა მაშინ, როდესაც საკონსტიტუციო სასამართლოს თავმჯდომარის გიორგი პაპუაშვილის განცხადება დარჩა უპასუხოდ და არც ერთ შემთხვევაში არ აღიძრა საქმე. ეს არის ჩემთვის პრობლემური, რადგან საკონსტიტუციო სასამართლოს თავმჯდომარე არის ერთ-ერთი ყველაზე მაღალი ლეგიტიმაციის და უფლებების მატარებელი პირი.

როდესაც ასეთი პირი აკეთებს განცხადებებს, აუცილებელია, რომ რეაგირება მოხდეს. ჩემმა განცხადებამ გამოიწვია ის, რომ აღიძრა საქმე პაპუაშვილის განცხადებების საფუძველზე. რაც შეეხება გიორგი პაპუაშვილის საქმეს, იმ საქმეს, რომელიც ჩემი ოჯახის წევრს ეხება, ვფიქრობ, რომ უპრიანი იქნება ამაზე დაინტერესდეთ პროკურატურასთან საუბრისას“, - აღნიშნა პრეზიდენტმა. 

შეგახსენებთ, რომ საკონსტიტუციო სასამართლოს თავმჯდომარეს გიორგი პაპუაშვილის განცხადებით, მომსამართლეებზე ზეწოლა ხორციელდება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა