2016-08-03 14:28:33, 887 ნახვა
პოლიტიკა
ლევან იზორია: მე ვარ ძალიან პრინციპული პოლიტიკოსი
„ მე ვარ პოლიტიკოსი და თამამად მინდა გითხრათ, რომ ვარ ძალიან პრინციპული“,-ამის შესახებ თავდაცვის მინისტრმა ლევან იზორიამ მთავრობის სხდომის დასრულების შემდეგ ჟურნალისტებს განუცხადა.
იზორიამ საფუძველს მოკლებული უწოდა იმ შეფასებას, რაც სახელმწიფო უსაფრთხოების სამსახურში მის მუშაობას უკავშირდება.
„პოლიტიკოსიც შეიძლება იყოს უპრინციპო, ლაპარაკობდეს ბევრს და საქმეს აკეთებდეს ნაკლებს. მაგრამ, შეიძლება, იყოს მენეჯერი, რომელიც ნაკლებს ლაპარაკობდეს, მაგრამ იყოს ძალიან დიდი საქმის გამკეთებელი. ამიტომ ეს არგუმენტები ჩემთვის ყოვლად გაუგებარი და რაციონალურ საფუძველს მოკლებულია. მე ვარ პოლიტიკოსი. მინდა, თამამად გითხრათ, რომ ვარ ძალიან პრინციპული“, -განაცხადა იზორიამ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
