პარლამენტის თავმჯდომარე დავით უსუფაშვილი პრემიერ-მინისტრის, გიორგი კვირიკაშვილის განცხადებას პასუხობს, რომელმაც თავდაცვის მინისტრად ლევან იზორიას დანიშვნაზე უსუფაშვილისა და თავდაცვის ექს-მინისტრის თინა ხიდაშელის შეფასებებს „არაადეკვატური“ უწოდა.

როგორც უსუფაშვილმა „რუსთავი 2“-ს განუცხადა, „რესპუბლიკური პარტია“ არ არის  ერთადერთი ადეკვატური ძალა, მაგრამ სხვებთან შედარებით უფრო ადეკვატურია.

„ქართული ოცნება თვლის, რომ ერთადერთი ადეკვატური პოლიტიკური ძალა თვითონ არის. „რესპუბლიკური პარტია“ ვთვლით, რომ ჩვენ არ ვართ ერთადერთი ადეკვატური ძალა, მაგრამ სხვებთან შედარებით ვართ ხოლმე უფრო ადეკვატური. რა უფრო ადეკვატურია და ვინ უფრო არ არის ადეკვატური, ამას მოსახლეობა და ამომრჩეველი განსაზღვრავს. დიახ, საარჩევნო კამპანიის დროს ყველა პოლიტიკური სუბიექტი ვართ კონკურენტულ რეჟიმში ერთმანეთთან, ერთმანეთი გვყავს ამოღებული სამიზნეში. ვაცხადებ მზაობას, ამ კვირის ბოლოდან ნებისმიერ ეთერში ნებისმიერი წამყვანი პოლიტიკური სუბიექტის ლიდერთან ნებისმიერ თემაზე დებატებისთვის და მოდი, იქ გავარკვიოთ ყველაფერი“, - განაცხადა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა