ექსპერტის პოლიტიკის საკითხებში კახა გოგოლაშვილის შეფასებით, ლევან იზორიას თავდაცვის მინისტრის პოსტზე წარმატების მიღწევა გაუჭირდება.

როგორც გოგოლაშვილმა „ექსპრესნიუსს“ განუცხადა, იზორია არ არის ისეთი პოლიტიკური ფიგურა, როგორებიც ირაკლი ალასანია და თინა ხიდაშელი იყვნენ.

„თავდაცვის მინისტრი პოლიტიკური ფიგურა უნდა იყოს. მთავარი არ არის ის, რომ იზორია თავდაცვაში უსაფრთხოების სამსახურიდან გადავიდა თუ არა. მთავარია, თავდაცვის მინისტრი რამდენად ძლიერი პოლიტიკური ფიგურაა, რადგან საქართველოსთვის თავდაცვა პრიორიტეტული საკითხია. ვფიქრობ, იზორია არ არის ისეთი პოლიტიკური ფიგურა, როგორც, მაგალითად, ირაკლი ალასანია და თინა ხიდაშელი იყვნენ. წინა მინისტრებს უფრო დიდი გამოცდილება ქონდათ იმავე საერთაშორისო ასპარეზზე. ჩვენ კი ნატოს-თან ურთიერთობა ძალიან გვჭირდება. თავდაცვის  მინისტრი უნდა იყოს ადამიანი, რომელსაც უფრო დიდი პოლიტიკური ძალა აქვს და პარტნიორებთან საუბრისას თავდაჯერებული იყოს. წინა მინისტრებისგან განსხვავებით, იზორიას ეს გაუჭირდება. ლევან იზორიას პოლიტიკური წონა არ აქვს“, - აცხადებს გოგოლაშვილი. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა