პარლამენტის ვიცე-სპიკერის მანანა კობახიძის განცხადებით, ლევან იზორიას გამოცდილება თავდაცვის სამინისტროაზე დადებიათად აისახება.

როგორც კობახიძემ „ექსპრესნიუსს“ განუცხადა, თავდაცვა და უსაფრთხოების სამსახური მჭიდროდ დაკავშირებული სფეროებია და სწორი არჩევანია, რომ თავდაცვის მინისტრად იზორიას დაინიშნა.

„პირველ რიგში, ლევან იზორიასაც და ქეთევან ციხელაშვილსაც ვულოცავ. ორივე ჩვენი გუნდის წევრია. აღმასრულებელ ხელისუფლებაში საკმაოდ წარმატებით ართმევდნენ თავს მათზე დაკისრებულ ამოცანებს. კონკრეტულად ლევანს რაც შეეხება, ის შინაგან საქმეთა მინისტრს მოადგილე იყო. ლევან იზორია პოლიციის რეფორმის განხორციელებაში აქტიურად იყო ჩართული. შემდეგ უსაფრთხოების სამსახურში გადავიდა და აქაც საკმაოდ წარმატებულად მუშაობდა. ლევან იზორია საკმაოდ წარმატებული ადამიანია და არა მგონია, ვინმეს მაინც ეჭვი ეპარებოდეს მის პროდასავლურობაში. თავდაცვის მინისტრის რანგშიც, ვფიქრობ, გააგრძელებს წარმატებულ სვლას. რაც შეეხება სახხელმწიფო უსაფრთხოების სამსახურიდან იზორიას თავდაცვის სამინისტროში გადასვლას - უსაფრთხოების სამსახური ჩვენი ქვეყნის მოქალაქეების დაცვაზე ზრუნავს. რატომ არ შეიძლება აქ მყოფი თანამდებობის პირი თავდაცვის სამინისტროს ხელმძღვანელობდეს. ვერ ვხვდები რა შეუსაბამოს ხედავენ ამაში. თავდაცვა და უსაფრთხოება მჭიდროდ დაკავშირებული სფეროებია. ლევან იზორიას გამოცდილება დაეხმარება თავდაცვის სფეროს. კულტურის სამინისტროდან ხომ არ მიდის, იმ სისტემიდან მიდის თავდაცვაში, რომელიც ქვეყნის უსაფრთხოებასთან პირდაპირ კავშირშია“, - აცხადებს კობახიძე.

შეგახსენებთ, რომ თავდაცვის  მინისტრის პოსტი ლევან იზორიამ დაიკავა,  შერიგებისა და სამოქალაქო თანასწორობის საკითხებში სახელმწიფო მინისტრი კი, ქეთევან  ციხელაშვილი გახდა - ახალი მინისტრები  საქართველოს პრემიერ-მინისტრმა გიორგი კვირიკაშვილმა მთავრობის ადმინისტრაციაში გამართულ ბრიფინგზე წარადგინა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი