„ნაციონალური მოძრაობის“ წევრის ოთო კახიძის განცხადებით, „ქართული ოცნების“ საარჩევნო შტაბის უფროსად კახა კალაძის დანიშვნამ, ნათელი გახადა, რომ კორცხელის ინციდენტი მმართველი გუნდის წინასაარჩევნო კამპანიის ნაწილი იყო.

როგორც კახიძემ „ექსპრესნიუსს“ განუცხადა, „ნაციონალური მოძრაობა“ მსგავსი ინციდენტების გამეორებას არ ელოდება, რადგან ხელისუფლებამ გააცნობიერა, რომ ძალადობას მომავალი არ აქვს.

„მთავარი პროკურატურის მიმართ, ცხადია, რომ ნდობა არ გვაქვს. საზოგადოებას მინდა გავახსენო, რომ ბაჩო ახალაიაც თავის ნებით გამოცხადდა პროკურატურაში, მაგრამ მასზეც პატიმრობა მოითხოვეს, თან 12-ჯერ და წინასწარ პატიმრობაში 9 თვეზე მეტხანს ყავდათ, რაც კონსტიტუციით არ არის გათვალისწინებული. რაც შეეხება კორცხელის ინციდენტის მონაწილეებსა და მათ ორგანიზატორებს - ორგანიზატორების გამოვლენა არ მომხდარა. პროკურატურა არ ითხოვს პატიმრობას და კმაყოფილდება გირაოთი, ეს მიანიშნებს  მათ ცალსახა დაინტერესებაზე. „ქართული ოცნების“ შტაბის უფროსად კახა კალაძის დანიშვნამ ნათელი გახადა, რომ კორცხელის ინციდენტი მმართველი გუნდის კამპანიის ნაწილი იყო. „ქართულმა ოცნებამ“ კორცხელში ძალის დემონსტრირება მოადინა.  მსგავსი ინციდენტების გამეორებას ჩვენ არ ველოდებით. იმიტომ, რომ ხელისუფლებამ კორცხელში დამარცხების შემდგომ, ალბათ, გააცნობიერა, რომ ძალადობას მომავალი არ აქვს. „ოცნებამ“ რა მეთოდებსაც არ უნდა მიმართოს, არჩევნებში მაინც დამარცხდება“, - განაცხადა კახიძემ.

შეგახსენებთ, რომ გადაცემა  „იმედის დროსთან“ საუბრისას მთავარმა პროკურორმა ირაკლი შოთაძემ განაცხადა, რომ პროკურატურა კორცხელის ინციდენტის საქმეს აუცილებლად გამოიძიებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი