სტამბოლის მერის ქადირ თოფბაშის განცხადებით, ქალაქში ამბოხის მონაწილეების დასაკრძალად ცალკე ადგილს გამოყოფს, - ამის შესახებ Hurriyet-ი იუწყება.

მერის თქმით, შესაბამისი განკარგულება მან უკვე გასცა. 

“მე გავეცი განკარგულება, გამოიყოს ტერიტორია, რომელსაც “მოღალატეთა სასაფლაოს” ვუწოდებთ. ყველა გამვლელი დაწყველის მათ, ვისაც ამ ადგილზე დავკრძალავთ”, - განაცხადა თოფბაშმა.

სტამბოლის მერის თქმით,  შავი ზღვის პირას მდებარე ორდუს პროვინციის ხელისუფლებამ ამბოხის გარდაცვლილი მონაწილეების დასაკრძალად ადგილის გამოყოფაზე უარი განაცხადა, რის გამოც მსხვერპლთა ოჯახებმა ისინი საკუთარი სახლების ეზოებში დაკრძალეს.

შეგახსენებთ, რომ თურქეთში სამხედრო გადატრიალების მცდელობა იყო, რის შედეგადაც 290-ზე მეტი ადამიანი გარდაიცვალა.

20 ივლისს თურქეთის ხელისუფლებამ ქვეყანაში სამდღიანი საგანგებო მდგომარეობა გამოაცხადა და ადამიანის უფლებათა ევროპული კონვენციის მოქმედება შეაჩერა. თურქეთის ხელისუფლებამ პირობა დადო, რომ ამბოხის მონაწილეებს მკაცრად დასჯის. მთავრობა სიკვდილით დასჯის აღდგენის საკითხს განიხილავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს