თურქეთის პრეზიდენტმა რეჯეპ ტაიპ ერდოღანმა პირობა დადო, რომ სახელმწიფო გადატრიალებასთან კავშირში მყოფი ყველა პირი უმკაცრესად დაისჯება, - ამის შესახებ France Press იუწყება.

მედია საშუალების ინფორმაციით, აღნიშნული განცხადება თურქეთის პრეზიდენტმა ათათურქის სახელობის აეროპორტში ჩამოსვლის შემდეგ გააკეთა. ერდოღანის გამოსვლა პირდაპირ ეთერში სახელმწიფო ტელეკომოანია RTR გადასცემდა.

თურქეთის პრეზიდენტს ათათურქის სახელობის საერთაშორისო აეროპორტში ათასობით მხარდამჭერი დახვდა.

ერდოღანმა თურქეთი სახელმწიფო გადატრიალების მცდელობას "სამშობლოს ღალატი" უწოდა. მისი თქმით, თურქეთის ქუჩებში მილიონობით ადამიანი სამხედრო გადატრიალების წინააღმდეგ გამოვიდა.

"ყველა, ვინც დაკავშირბეულია სახელმწიფო გადატრიალების მცდელობასთან, უმკაცრესად დაისჯება, იმის მიუხედავად, თუ რომელ სტრუქტურებს წარმოადგენენ ისინი", - განაცხადა ერდოღანმა.

ამასთან, ერდოღანის განცხადებით, ეგეოსის ზღვის სანაპიროზე მდებარე მისი სასტუმრო დაიბომბა მას შემდეგ, რაც ის სტამბოლში გაფრინდა.

ცნობისთვის, თურქეთის პრეზიდენტმა ქვეყანაში სამხედრო გადატრიალების მცდელობაში აშშ-ში მცხოვრები მულისმანი ღვთისმსახური ფეთჰულა გიულენი დაადანაშაულა.

შეგახსენებთ, რომ თურქეთში სამხედროების ნაწილმა სახელმწიფო გადატრიალების განხორციელება სცადა. თურქეთის პარლამენტის შენობაზე ორი ბომბი ჩამოაგდეს. შეტაკებების დროს დაიღუპა სულ მცირე 17 სამართალდამცველი. დაუზუსტებელი ცნობებით, კიდევ ექვსი მშვიდობიანი მცხოვრები კი სტამბოლში სროლის დროს დაიღუპა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს