საფრანგეთში ქალაქ ნიცაში მომხდარ თავდასხმასთან დაკავშირებით სამდღიანი გლოვა გამოცხადდა, - ამის შესახებ ფრანგული მედია პრემიერ-მინისტრზე მანუელ ვალსზე დაყრდნობით იუწყება.

მედია საშუალების იფნორმაციით, გლოვა 16 ივლისიდან დაიწყება.

"ტერორისტების მიზანს შიშისა და პანიკის დათესვა წარმოადგენს. თუმცა საფრანგეთის დიდი სახელმწიფო და დიდი დემოკრატიაა და არ დაუშვებს დესტაბილიზაციას", - განაცხადა მანუელ ვალსმა.

ცნობისთვის, საფრანგეთის პრეზიდენტმის ფრანსუა ოლანდის განცხადებით, ქვეყანაში საგანგებო მდგომარეობა კიდევ სამი თვით გახანგრძლივდება. პარლამენტი შესაბამის კანონპროექტს 20 ივლისს განიხილავს. ამჟამად მოქმედი საგანგებო მდგომარეობის ვადა 27 ივლისს იწურება.

აღსანიშნავია, რომ ჯერ კიდევ გუშინ, 14 ივლისს, ფრანსუა ოლანდმა განაცხადა, რომ ნოემბრის ტერაქტების შემდეგ დაწესებული საგანგებო მდგომარეობა აღარ გახანგრძლივდებოდა.

შეგახსენებთ, გუშინ, ნიცაში, სადაც მოსახლეობა ბასტილიის აღების დღეს აღნიშნავდა, ხალხში სატვირთო ავტომობილი შევარდა. ტერაქტის შედეგად 84 ადამიანი გარდაიცვალა, მათ შორის არიან ბავშვებიც. მედიის ინფორმაციით, ათობით ადამიანი დაშავებულია, 18 მათგანი კი კრიტიკულ მდგომაროებაშია. მომხდარზე პასუხისმგებლობა ჯერჯერობით არც ერთ დაჯგუფებას არ აუღია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს