ნიცაში განხორციელებული თავდასხმა უდანაშაულო ადამიანებისა და იმ ძირითადი ღირებულებების წინააღმდეგ იყო მიმართული, რომლებსაც ნატო ატარებს, - ამის შესახებ ჩრდილოატლანტიკური ალიანსის გენერალური მდივნის განცხადებაშია ნათქვამი.

ნატო-ს გენერალური მდივნის თქმით, ალიანსი საფრანგეთის ხალხს სოლიდარობას უცხადებს.

“შეძრული და დამწუხრებული ვარ ნიცაში მომხდარი ტერორისტული თავდასხმის გამო. ჩემი ფიქრები დაღუპულთა ოჯახებთან, ახლობლებთან და დაშავებულებთანაა. ეს თავდასხმა მიმართული იყო უდანაშაულო ადამიანებისა  და იმ ძირითადი ღირებულებების წინააღმდეგ, რომლებსაც ნატო ატარებს. თუმცა ტერორიზმი ვერასდროს დაამარცხებს დემოკრატიას, თავისუფლებას და ჩვენს ღია საზოგადოებას. სოლიდარობას ვუცხადებთ საფრანგეთის ხალხს”, - ნათქვამია იენს სტოლტენებერგის განცხადებაში.

განცხადება ნატო-ს ოფიციალურ ვებგვერდზე გამოქვეყნდა.

შეგახსენებთ, რომ გუშინ, ნიცაში, სადაც მოსახლეობა ბასტილიის აღების დღეს აღნიშნავდა, ხალხში სატვირთო ავტომობილი შევარდა. ტერაქტის შედეგად 84 ადამიანი გარდაიცვალა, მათ შორის არიან ბავშვებიც. მედიის ინფორმაციით, ათობით ადამიანი დაშავებულია, 18 მათგანი კი კრიტიკულ მდგომაროებაშია. მომხდარზე პასუხისმგებლობა ჯერჯერობით არც ერთ დაჯგუფებას არ აუღია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს