საფრანგეთი ავიამზიდ “შარლ დე გოლს” ტერორისტული დაჯგუფება “ისლამური სახელმწიფოს” წინააღმდეგ საბრძოლველად გამოიყენებს, - ამის შესახებ France24 იუწყება.

მედიის ინფორმაციით, აღნიშნული განცხადება საფრანგეთის პრეზიდენტმა ფრანსუა ოლანდმა თავდაცვის სამინისტროში სიტყვით გამოსვლისას გააკეთა.

როგორც ოლანდმა აღნიშნა, შემოდგომაზე ავიამზიდი სპარსეთის ყურეში დაბრუნდება.

“ჩვენ გავააქტიურებთ ძალისხმევას ერაყის შეიარაღებული ძალების დასახმარებლად, რომლებიც მოსულის გათავისუფლებას ცდილობენ”, - განაცხადა საფრანგეთის პრეზიდენტმა.

ოლანდის თქმით, ავიამზიდი ოპერაცია “შამალში” მიიღებს მონაწილეობას, რომელიც “ისლამური სახელმწიფოს” პოზიციებზე ავიადარტყმების განხორციელებას ითვალისწინებს.

ცნობისთვის, “შარლ დე გოლი”, რომელიც ექსპლუატაციაში 2001 წელს შევიდა, საფრანგეთის სამხედრო-საზღვაო ძალების ერთადერთი მოქმედი ავიამზიდია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს