თურქეთის პრემიერ-მინისტრის ბინალი ილდირიმის განცხადებით, სირიასთან ურთიერთობების ნორმალიზების მთავარი პირობა ბაშარ ასადის წასვლაა, - ამის შესახებ BBC იუწყება.

ილდირიმის განმარტებით, ასადის გადადგომის გარეშე სირიაში არაფერი შეიცვლება.

ამასთან, როგორც თურქეთის პრემიერმა აღნიშნა, სირიის პრეზიდენტმა შექმნა პირობები, რომელთა საფუძველზეც რეგიონში დაჯგუფება "ისლამური სახელმწიფო" წარმოიქმნა.

"სანამ ასადი რჩება, პრობლემა არ გადაწყდება. მოვლენ სხვა ტერორისტული დაჯგუფებები, რადგან საქმე სირიის რეჟიმს ეხება, მან მოახდინა ამ დაჯგუფებების წარმოქმნის პროვოცირება", - განაცხადა ილდირიმმა.

შეგახსენებთ, რომ 13 ივლისს თურქეთის პრეზიდენტმა განაცხადა, რომ ანკარას სირიასა და ერაყთან ურთიერთობების ნორმალიზება სურს. ამასთან, ოფიციალურმა თურქეთმა რუსეთთან ურთიერთობის ნორმალიზებას გაუსვა ხაზი.

ილდირიმის თქმით, ეს ქვეყნები სტაბილურები უნდა იყვნენ იმისთვის, რომ ტერორიზმის წინააღმდეგ ბრძოლა წარმატებით დასრულდეს.

ცნობისთვის, ილდირიმმა პრემიერის პოსტი მიმდინარე წლის მაისში დაიკავა. მას შემდეგ მან ბევრჯერ აღნიშნა, რომ თურქეთს უფრო მეტი მეგობარი უნდა ჰყავდეს, ვიდრე მტერი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს