2016 წლის დასაწყისიდან ტერორისტულმა დაჯგუფებამ “ისლამურმა სახელმწიფომ” ერაყსა და სირიაში კონტროლირებადი ტერიტორიის 12% დაკარგა, - ამის შესახებ ინფორმაციას Regnum-ი კომპანია IHS-ის კვლევებზე დაყრდნობით ავრცელებს.

როგორც მედია საშუალება წერს, ისლამისტების მიერ დაკავებული ტერიტორიის ფართობი დაახლოებით 13 ათასი კვადრატული კილომეტრით შემცირდა.

ანგარიშის თანახმად, ამჟამად დაჯგუფება ერაყის მთლიანი ფართობის 45 %, ხოლო სირიაში ტერიტორიის 20%-მდე აკონტროლებს.

ამავე კვლევის მიხედვით, “ისლამური სახელმწიფოს” შემოსავალიც მცირდება. თუ 2015 წლის შუა პერიოდში დაჯგუფების წევრები თვეში 80 მილიონს იღებდნენ, უკვე 2016 წლის მარტში მათ  56 მილიონის მობილიზება შეძლეს.

შეგახსენებთ, რომ "ისლამური სახელმწიფოს" წინააღმდეგ ავიეირიშებს აშშ-ის მეთაურობით მოქმედი საერთაშორისო ანტიტერორისტული კოალიციის წევრები აგრძელებენ. სირიის ჩრდილოეთ ნაწილის დაბომბვის ამსახველი კადრები 10 ივლისს აშშ-ის სახელმწიფო დეპარტამენტმა გაავრცელა.

ამავე დღეს ერაყის მთავრობამ განაცხადა, რომ ქვეყნის შეიარაღებული ძალების წარმომადგენლება დაიკავეს ქალაქ მოსულთან ახლოს მდებარე ავიაბაზა, რომელსაც მანამდე "ისლამური სახელწმიფო" აკონტროლებდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს