ბაღდადში 3 ივლისს მომხდარი ტერაქტის მსხვერპლთა რიცხვმა 292-ს მიაღწია, - ამის შესახებ BBC ერაყის ხელისუფლებაზე დაყრდნობით იუწყება.

მედია საშუალების ინფორმაციით, დანაღმული სატვირთო მანქანა ერაყის დედაქალაქის ცენტრში, ხალხმრავალ სავაჭრო რაიონში, ელ-ქარადაში აფეთქდა. მალევე მეორე აფეთქება ბაღდადის ჩრდილოეთ ნაწილში მოხდა.

ადგილობრივი ხელისუფლების ინფორმაციით, 117 ცხედარის იდენტიფიცირება ჯერ ვერ ხერხდება, ხოლო 115 ცხედარი ნათესავებს და ოჯახის წევრებს გადასცეს. 

მედიის ცნობით, 200-მდე ადამიანი მძიმედ დაშავდა.

ტერაქტზე პასუხისმგებლობა “ისლამურმა სახელმწიფომ” აიღო.

ცნობისთვის, თავდასხმის შემდეგ ერაყში სამდღიანი გლოვა გამოცხადდა.

როგორც მედია საშუალება წერს, აფეთქებები ერაყის სამთავრობო ძალების მიერ ქალაქ ფალუჯას ისლამისტებისგან გათავისუფელბიდან ერთ კვირაში მოხდა.

3 ივლისს განხორციელებული თავდასხმა ერაყში 2003 წლიდან ყველაზე სისხლიანი ტერაქტი გახდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს