თურქეთის სამართალდამცველებმა გეი-პრაიდი ცრემლსადენი გაზით დაშალეს, - ამის შესახებ ABC იუწყება. 

მედია საშუალების ინფორმაციით, აქციის დროს, პოლიციამ რამდენიმე ადამიანი, მათ შორის 2 გერმანელი პოლიტიკოსი - ევროპარლამენტის დეპუტატი, მწვანეთა პარტიის წევრი ტერი რეინტკესი და ბუნდესტაგის წევრი ვოლკერ ბეკია დააკავეს. 

როგორც ABC წერს, გერმანელი პოლიტიკოსები მალევე გაათავისუფლეს. 

მედიის ცნობით, გეი-პრაიდი არასანქცირებული იყო. ადგილობრივმა მთავრობამ ლგბტ-აქტივისტებს მსვლელობის ჩატარების უფლება შესაძლო თავდასხმების მიზეზით არ მისცა. 

ცნობისთვის, გასულ კვირას თურქეთში მოქმედმა ერთ-ერთმა ულტრანაციონალისტურმა დაჯგუფებამ განაცხადა, რომ გეი-პრაიდს ჩაშლის, თუ ხელისუფლება მსვლელობას არ აკრძალავს.

შეგახსენებთ, რომ სტამბოლში ლგბტ-აღლუმი ყოველწლიურად  2005 წლიდან მშვიდ ვითარებაში იმართებოდა. პირველად სამართალდამცველებმა აქციის მონაწილეები ძალის გამოყენებით 2015 წელს დაშალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს