საქართველოს თავდაცვის მინისტრი თინა ხიდაშელის განცხადებით, გიგა ოთხოზორიას მკვლელისთვის შინაპატიმრობა არ არის საკმარისი და ის კანონის სრული სიმკაცრით უნდა დაისაჯოს.

ამის შესახებ ხიდაშელმა ჟურნალისტებს ქუთაისში, კადეტთა სკოლა-ლიცეუმში ვიზიტისას განუცხადა.

„ეს ბოლო წლების განმავლობაში ალბათ  ერთ-ერთი ყველაზე ცინიკური მკვლელობაა, რომლის შესახებაც ჩვენ გვსმენია და გვინახავს. ასეთი ადამიანებისთვის ხელის დაფარება არავის არ მატებს ღირსებას. როგორი დე-ფაქტო თუ თვითაღიარებულიც არ უნდა იყო, არსებობს ელემენტარული ამბები, რომელსაც ყოველთვის მნიშვნელობა აქვს და ანგარიში უნდა გაუწიო. ასეთი სისასტიკით ჩადენილი მკვლეობაზე პასუხი არის ცალსახა და ის ადამიანი კანონის მთელი სიმკაცრით უნდა დაისაჯოს, იმის მიუხედავად ჩვენ ვაღიარებთ თუ არ ვაღიარებთ აფხაზეთის კანონებს. ეს არის ელემენტარული ადამიანური ღირსების საქმე, რომ ასეთ მკვლელობას ადეკვატური პასუხი გასცე. ვფიქრობ, რომ შინაპატიმრობა საკმარისი არ არის, მაგრამ კარია, რომ ამ ამბავს რეაგირება მოჰყვა. იმედი მაქვს, დე-ფაქტო ხელისუფლების წარმომადგენლები ადეკვატურები იქნებიან“,  - განაცხადა თავდაცვის მინისტრმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს