დაღუპული მეხანძრე-მაშველების და მაშველების   ოჯახებს  ერთჯერადად 100 000 ლარი გადაეცემა, ხოლო  ყოველთვიურად  1000 ლარიანი  შემწეობა დაენიშნებათ.   ამის შესახებ საქართველოს პრემიერ-მინისტრმა გიორგი კვირიკაშვილმა მთავრობის დღევანდელ სხდომაზე განაცხადა. მისივე თქმით,  შესაბამის კანონპროექტს  სწორედ დღევანდელ სხდომაზე განიხილავენ.

„გასული წლის 13 ივნისს დაიღუპა მაშველი ზურაბ მუზაშვილი, რომელმაც 8 ადამიანი გადაარჩინა დაღუპვას და საკუთარი სიცოცხლე შესწირა ამ ადამიანების გადარჩენას. სიმბოლურია, რომ სწორედ ტრაგედიიდან 1 წლის თავზე, ჩვენ ვიხილავთ კანონპროექტს მეხანძრე- მაშველებისთვის და მაშველებისთვის სამართლებრივი და სოციალური უზრუნველყოფის პაკეტის გაუმჯობესების კუთხით, სადაც მეხანძრე-მაშველებისა და მაშველების სამსახურებრივი მოვალეობის შესრულების დროს დაღუპვის შემთხვევაში, ზუსტად ისე, როგორც პოლიციელის შემთხვევაშია დღეს, პოლიციელის ოჯახს გადაეცემა 100 ათასი ლარი ერთჯერადად, ხოლო შემდგომში, ყოველთვიურად 1000 ლარიანი შემწეობა ინიშნება ოჯახისთვის. ჩვენ ყველა მათგანს უნდა ვუსურვოთ მშვიდობიანი მოღვაწეობა, თუმცა ვფიქრობთ, რომ სახელმწიფოს პასუხისმგებლობის ამ დონეზე აყვანა მნიშვნელოვანია“,-განაცხადა გიორგი კვირიკაშვილმა.

ცნობისთვის, თბილისის 2015 წლის 13 ივნისის სტიქიიდან დღეს ერთი წელი გავიდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება

HRW საქართველოში არასამთავრობო ორგანიზაციების მდგომარეობაზე ანგარიშს აქვეყნებს

უკრაინამ ბოლო 4 დღეში აზოვის ზღვაში 35 რუსულ ტანკერს დაარტყა