2016-06-08 15:55:29, 626 ნახვა
პოლიტიკა
არჩევნებში მონაწილეობის მსურველმა მინისტრებმა თანამდებობა საარჩევნო სიის წარდგენის მომენტიდან უნდა დატოვონ
მინისტრებმა, რომლებიც საარჩევნო სიაში მოხვდებიან, თანამდებობები პარტიული სიის წარდგენის მომენტიდან უნდა დატოვონ, - ამის შესახებ განმარტება დღეს ცესკო-ში გაკეთდა.
რაც შეეხება მინისტრების წინასაარჩევნო კამპანიაში ჩართვას, ცესკო-ში განმარტავენ, რომ მინისტრებს, არასამუშაო საათებში საარჩევნო კამპანიაში ჩართვა არ ეკრძალებათ.
ამასთან, ცესკოს ცნობით, პარტიებმა საარჩევნო სია არჩევნებამდე არაუგვიანეს ერთი თვით ადრე უნდა წარადგინონ.
შეგახსენებთ, რომ საქართველოში 2016 წლის საპარლამენტო არჩევნებისთვის წინასაარჩევნო კამპანია ოფიციალურად დღეს დაიწყო.
საპარლამენტო არჩევნები 8 ოქტომბერს გაიმართება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
