ოკუპირებული სამხრეთ ოსეთის დე-ფაქტო ვიცეპრემიერად რუსეთის საბაჟო სამსახურის გენერალ-მაიორი, 52 წლის დიმიტრი კოზაევი დაინიშნა, - ამის შესახებ Overallnews იუწყება. 

მედიის ინფორმაციით, მისი დანიშვნის ბრძანებას დე-ფაქტო პრეზიდენტმა ლეონიდ თიბილოვმა 6 ივნისს მოაწერა ხელი. დღეს ახალი ე.წ. ვიცეპრემიერი დეფაქტო მინისტრთა კაბინეტის წევრებს წარუდგინა.

თიბილოვის თქმით, კოზაევი მთავრობაში ეკონომიკურ, საბაჟო და საგადასახადო საკითხებზე იმუშავებს. კოზაევის განცახდებით, უპირველეს ყოვლისა, ის მცირე და საშუალო ბიზნესის განვითარების ამოცანების შესრულებას, ასევე ბიუჯეტის შემოსავლების გაზრდასა და დე-ფაქტო რესპუბლიკაში უცხოური ინვესტიციების მოზიდვას გეგმავს.

ცნობისთვის, დიმიტრი კოზაევმა სამხრეთ ოსეთის პედაგოგიური ინსტიტუტი, რუსეთის საბაჟო აკადემია და აკადემიის ასპირანტურა დაამთავრა. საბაჟო ორგანოებში მუშაობა მან 1994 წელს დაიწყო. 2007 წელს კოზაევი ხაკასიის საბაჟოს ხელმძღვანელი გახდა, 2008 წლიდან კი კრასნოიარსკის საბაჟოს  ხელმძღვანელობდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე