2016-06-06 09:50:36, 799 ნახვა
პოლიტიკა
ალექსანდრე ჯეჯელავა დღეს ადამიანური კაპიტალის განვითარების საკოორდინაციო ჯგუფის შეხვედრას გახსნის
საქართველოს მთავრობის ადმინისტრაციაში დღეს, 14:00 საათზე, ადამიანური კაპიტალის განვითარების საკოორდინაციო ჯგუფის შეხვედრა გაიმართება, რომელსაც განათლებისა და მეცნიერების მინისტრი ალექსანდრე ჯეჯელავა გახსნის.
მთავრობის ადმინისტრაციის პრესსამსახურის ინფორმაციით, შეხვედრაზე განხილული იქნება სკოლამდელი და ზოგადი განათლების საკითხები, ინკლუზიური განათლება ყველასთვის, უმაღლესი განათლებისა და მეცნიერების მხარდაჭერა, შრომის ბაზრის ანალიზი, დასაქმების პოლიტიკა, პროფესიული განათლების განვითარება, არაფორმალური განათლება და დიასპორის ინტეგრაცია განათლების საკითხებში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
