იუსტიციის მინისტრი თეა წულუკიანი ვენაში იმყოფება. მინისტრი ბავშვებზე ძალადობის წინააღმდეგ მიმდინარე გლობალურ კონფერენციას დაესწრება.

2 ივნისს თეა წულუკიანი კონფერენციაზე სიტყვით გამოვა და ბავშვთა უფლებების დასაცავად ქვეყანაში გატარებული რეფორმების შესახებ ისაუბრებს. თეა წულუკიანი ღონისძიების მონაწილეებს იმ რეფორმებს გააცნობს, რომლებიც საქართველოს მთავრობამ  ბავშვებისა და არასრულწლოვნების ძალადობის ნებისმიერი ფორმისგან დასაცავად გაატარა. 

მინისტრი ისაუბრებს იუსტიციის სამინისტროს მიერ მომზადებულ საკანონმდებლო ცვლილებათა პაკეტებზე. მათ შორის არასრულწლოვანთა მართლმსაჯულების კოდექსზე, საკნონმდებლო ინიციატივებზე ოჯახში ძალადობის წინააღმდეგ, ქუჩაში მცხოვრებ და მომუშავე ბავშვთა უფლებების დასაცავად მომზადებულ საკანონმდებლო ცვლილებებზე.

ვენაში ვიზიტის ფარგლებში საქართველოს იუსტიციის მინისტრი ავსტრიის რესპუბლიკის იუსტიციის ფედერალურ მინისტრს შეხვდება. თეა წულუკიანისა ვოლფგანგ ბრანდშტეტერის შეხვედრა 3 ივნისსაა დაგეგმილი. იუსტიციის მინისტრი საქართველოს საელჩოში დადეგმილ ღონისძიებაშიც მიიღებს მონაწილეობას. საზეიმო მიღება საელჩოში საქართველოს დამოუკიდებლობის აღდგენის 25 წლისთავთან დაკავშირებით იმართება.

იუსტიციის მინისტრის ვიზიტი ავსტრიაში ოთხდღიანია და ის 3 ივნისს დასრულდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება