საქართველოს პრეზიდენტი გიორგი მარგველაშვილი პირველ ლედისთან მაკა ჩიჩუასთან ერთად, საქართველოს დამოუკიდებლობის დღისადმი მიძღვნილ სახელმწიფო მიღებას დაესწრო და მოწვეულ სტუმრებს - დიპლომატიური კორპუსის, საკანონმდებლო და აღმასრულებელი ხელისუფლების წარმომადგენლებს სიტყვით მიმართა.

როგორც პრეზიდენტმა აღნიშნა თავისუფალი ქვეყანა თავისუფალი ადამიანებისგან შექმნილ საზოგადოებას ნიშნავს.

"გილოცავთ საქართველოს დამოუკიდებლობის აღდგენის 25 წელს.  25 წლის წინ ჩვენმა თაობამ შეძლო დამოუკიდებელი სახელმწიფოს ჩამოყალიბება.იმ დღიდან ჩვენ დავიწყეთ თავისუფალი სახელმწიფოს მშენებლობა. თავისუფალი ქვეყანა ნიშნავს თავისუფალი ადამიანებისაგან შექმნილ თავისუფალ საზოგადოებას და იმ შესაბამის პოლიტიკურ ინსტიტუტებს, რომელიც ამ საზოგადოებას უნდა ემსახურებოდეს.ჩვენი კულტურული და ინდივიდუალური თავისუფლება პოლიტიკურ თავისუფლებად უნდა ვაქციოთ, სწორედ ამ სულისკვეთებით ეს წელი "ევროპული სახელმწიფოს" წლად გამოვაცხადე, რადგან მტკიცედ მჯერა, რომ სწორედ ევროპულ და დემოკრატიულ სახელმწიფოში, ჩვენ შევქმენით თავისუფალ ქვეყანას.ამ თვალსაზრისით უმნიშვნელოვანესი გამოცდა გველის წინ - თავისუფალი და დემოკრატიული არჩევნები, რომელსაც ჩვენ, როგორც საზოგადოება, როგორც პოლიტიკური ინსტიტუტები, წარმატებით ჩავატარებთ.ეს იქნება კიდევ ერთხელ მტკიცედ გადადგმული გამარჯვების ნაბიჯი ამ გზაზე.კიდევ ერთხელ გილოცავთ მომავალ გამარჯვებებს და საქართველოს დამოუკიდებლობის დღეს.ღმერთი ფარავდეს საქართველოს!"- განაცხადა მარგველაშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მერცი: აშშ-მ გერმანიისთვის Tomahawk-ის მიყიდვას დაამტკიცა

კალაძე: ბიძინა ივანიშვილი საქართველოს უახლეს ისტორიაში მართლაც ოქროს ასოებით ჩაიწერება

ISFED-მა იმედის 26 მაისის ქარდის მომწონებლებს შორის 1 500-ზე მეტი ტროლ-ბოტი გამოავლინა

მერცის განცხადებით, გერმანიამ Tomahawk-ის რაკეტების შესყიდვის შესახებ აშშ-სთან შეთანხმებას მიაღწია