Airbus A320-ის კატასტროფამდე რამდენიმე წუთით ადრე ავიალაინერის სალონში კვამლის დეტექტორი ამუშავდა, - ამის შესახებ BBC იუწყება.

მედიის ცნობით, აღნიშნულ ინფორმაციას გამოცემა Aviation Herald-ი ავრცელებს. გამოცემის თანახმად, დეტექტორი ჯერ ერთ-ერთ საპირფარეშოში, შემდეგ კი რადიოელექტრონულ განყოფილებაში ამოქმედდა. სწორედ ამის შემდეგ თვითფრინავთან კავშირი გაწყდა. 

Aviation Security International Magazine-ის რედაქტორის ფილიპ ბაუმის განმარტებით, თვითმფრინავის კატასტროფა შესაძლოა ტექნიკურმა გაუმართაობამ გამოიწვია.

„შესაძლოა, ავიალაინერის გატაცების მცდელობა და არც მფრინავის კაბინაში მომხდარა შეკამათება არც ყოფილა და თვითმფრინავი ხანძრის გამო ჩამოვარდა. ჩვენ ჯერ არ ვიცით მოკლე ჩართვამ გამოიწვია ხანძარი თუ ასაფეთქებელი მოწყობილობა ამოქმედდა", - აღნიშნა ფილიპ ბაუმიმ.

ამ დრომდე საბერძნეთის ოფიციალური პირები განმარტავდნენ, რომ ლაინერმა ჰაერში ორი მანევრი შეასრულა, რის შემდეგაც დაშვება დაიწყო და ზღვაში ჩავარდა. 

EgyptAir-ის ავიალაინერი რეისს პარიზიდან ქაიროს მიმართულებით ასრულებდა. ბორტზე 66 ადამიანი იმყოფებოდა, მათ შორის ეკიპაჟის 10 წევრი და 56 მგზავრი. ლაინერი რადარებიდან ეგვიპტის საჰაერო სივრცეში შესვლისთანავე გაქრა. სამაშველო სამსახურებმა გუშინ ხმელთაშუა ზღვაში თვითმფრინავის ნამსხვრევები და მგზავრების პირადი ნივთები აღმოაჩინეს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკის ორგანიზებით, ბათუმში ბიზნესებისთვის EBRD-ის მხარდამჭერ პროგრამებზე შეხვედრა გაიმართა

ფილმი „მაიკლი“ ყველა დროის ყველაზე მაღალშემოსავლიან ბიოგრაფიულ ფილმად იქცა

ჯანმო- ევროპაში უკიდურესი სიცხის გამო ერთ კვირაში 1300-ზე მეტი ადამიანი დაიღუპა

გვარამია: ხოშტარიას საკითხზე ველოდებით ადეკვატურ გადაწყვეტილებას, წინააღმდეგ შემთხვევაში საპასუხო რეაგირება გვექნება