ახვლედიანი: პარტიაში არიან ისეთები, რომლებიც მზად არიან საკუთარი მდგომარეობის შესანარჩუნებლად ნებისმიერი გზა გამოიყენონ

2016-05-10 22:42:34, 438 ნახვა

პოლიტიკა

"პარტიაში არიან ისეთები, რომლებიც მზად არიან საკუთარი მდგომარეობის შესანარჩუნებლად ნებისმიერი გზა გამოიყენონ" - ამის შესახებ "ქართულიც ოცნების" პოლიტსაბჭოს ყოფილმა წევრმა, არმაზ ახვლედიანმა გადაცემა "არჩევანში" განაცხადა.

არმაზ ახვლედიანის თქმით, "ქართულ ოცნებაში" რეტროგრადების საუკეთესო წარმომადგენლები გია ვოლსკი და ზვიად კვაჭანტირაძეა.

“შეიცვლება ფასადი. ეს იქნება მორიგი ცვლილება ფასადისა. ოცნებამ უკვე დაანონსა ახალი სახეები,დაანონსა კეთილი და კარგად შეკაზმული სიტყვები. ამის იქით არაფერს ველოდები და არც საზოგადოება უნდა ელოდოს. გადაწყვეტილების მიმღებები ისევ ის ადამიანები იქნებიან. ასე რომ, არაფერი შეიცვლება. განსხვავებული აზრი გახდა მიუღებელი და ამის მაგალითი მე თავად ვარ. მე პოლიტსაბჭოში ვერ დავინახე ვერცერთი ადამიანი, ვისაც შეუძლია, საჭირო დროს თქვას "არა". არიან ისეთებიც, რომლებიც მზად არიან, რომ საკუთარი მდგომარეობის შესანარჩუნებლად ნებისმიერი გზა გამოიყენონ. ოცნებამ ვერ მოახერხა, გაეშვათ ისინი, ვინც ეწინააღმდეგებიან რეფორმებს ოცნებაში და მოეყვანათ ნორმალური ადამიანები.რეტროგრადების საუკეთესო წარმომადგენლები არიან გია ვოლსკი, ზვიად კვაჭანტირაძე, მაგრამ არამარტო ეს ორი ადამიანი,“ - განაცხადა ახვლედიანმა.