ევროპის საბჭოს ოფისში, ევროსაბჭოს საპარლამენტო ასამბლეის (PASE) დელეგაცია და ოფისის ხელმძღვანელი საქართველოში  ქრისტიან ურსე  ოპოზიციის წარმომადგენლებს ხვდება.

როგორც "დემოკრატიული მოძრაობის" ლიდერმა ნინო ბურჯანაძემ ჟურნალისტებს განუცხადა,  შეხვედრა საარჩევნო გარემოს არ გაუმჯობესების პრობლემას ეძღვნება. ბურჯანაძის თქმით, ხელისუფლებამ არაფერი  გააკეთა იმისათვის, რომ საარჩევნო გარემო  რეალურად შეცვლილიყო. უფრო მეტიც, ნინო ბურჯანაძე ირწმუნება, რომ ხელისუფლება მანიპულირებისა და გაყალბებისათვის ემაზადება.

"დღევანდელი შეხვედრა მთლიანად ეძღვნება საარჩევნო გარემოს არ გაუმჯობესების პრობლემას იმიტომ, რომ ხელისუფლებამ არაფერი არ გააკეთა იმისათვის, რომ რეალურად საარჩევნო გარემო შეცვლილიყო. თუნდაც ის ინფორმაცია, რომელზეც ამ ბოლო დღეების განმავლობაში ვსაუბრობთ საარჩევნო სიებთან დაკავშირებით, როდესაც ამომრჩეველთა სიაში 3 მილიონ ნახევარი ამომრჩეველია, რომელიც  უბრალოდ არანაირად არ შეესაბამება საქართველოში არსებულ რეალობას, ძალიან ნათლად  აჩვენებს იმას, რომ ხელისუფლება მანიპულირებისა და გაყალბებისათვის ემაზადება.

ძალიან სამწუხაროა, ჩვენ ძალიან დიდი ხანია ვსაუბრობთ საარჩევნო გარემოს თემებზე, მაგრამ  სრულიად ნათელი იყო, რომ ხელისუფლება რეალურ დათმობებზე არ მოდიოდა.ვფიქრობთ, რომ საერთაშორისო ორგანიზაციებსაც უფრო სერიოზული ზეწოლა უნდა განეხორციელებინათ  იმისათვის, რომ  ერთხელ და სამუდამოდ, საქართველოში დამთავრდეს საარჩევნო სიაზე საუბარი. ქვეყანა, სადაც სამ მილიონ ნახევარი  მოსახლეობა არ ცხოვრობს, შეუძლებელია არჩევნებს ატარებდეს 3 მილიონ ნახევარი ამომრჩევლის სიით და შემდეგ ხელისუფლებას პრეტენზიები ჰქონდეს, რომ არჩევნები სამართლიანი და დემოკრატიულია", - განაცხადა ნინო ბურჯანაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქეთევან თოიძემ Tashkent International Investment Forum-ზე გალტ & თაგარტის გამოცდილება გააზიარა

ტრამპი: აშშ ირანზე ახალი დარტყმებისთვის ემზადება

ტრამპი: აშშ უკრაინას Patriot-ის სისტემებისა და რაკეტების წარმოების ლიცენზიას მისცემს

„მოიწვიე ფინედუ კლასში“ - საქართველოს ბანკის მხარდაჭერით გამართულ ფინანსური განათლების გაკვეთილებს 1000-ზე მეტი მოსწავლე დაესწრო