საქართველოს შეიარაღებული ძალების გენერალური შტაბის უფროსმა „სამსახურებრივ-საშტატო იარაღიდან სროლის“ ტურნირში გამარჯვებულებს უმასპინძლა. გენერალ-მაიორმა ვახტანგ კაპანაძემ სპორტული ღონისძიების მონაწილე პირად შემადგენლობას გამარჯვება მიულოცა და მათგან ტურნირის მსვლელობისა და შედეგების შესახებ ინფორმაცია მიიღო. სამხედრო მოსამსახურეებმა გენერალური შტაბის უფროსს მხარდაჭერისა და თანადგომისთვის მადლობა გადაუხადეს.

საქართველოს სამსახურებრივ-გამოყენებითი სპორტის ფედერაციის ორგანიზებით გამართულ შეჯიბრებაში თავდაცვის სამინისტროს გუნდმა პირად-გუნდური პირველობა და, შესაბამისად, ტურნირის გარდამავალი თასი მოიპოვა.

ტურნირისთვის, რომელშიც სახელმწიფო სტრუქტურების გუნდები მონაწილეობდნენ, საქართველოს შეიარაღებული ძალების საუკეთესო მსროლელები შეარჩიეს. ქართველ სამხედროებს სპორტული ღონისძიებების დაგეგმვისა და ფიზიკური მომზადების შეფასების სამმართველოს საცეცხლე მომზადების ინსტრუქტორი, მასტერ სერჟანტი ალექსი ტაბატაძე ხელმძღვანელობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”