თქვენ გგონიათ, რომ მე მომრიგებელი მოსამართლე ვარ, - ასე უპასუხა რეგიონული განვითარებისა და ინფრასტრუქტურის მინისტრმა ნოდარ ჯავახიშვილმა ჟურნალისტის კითხვას იმასთან დაკავშირებით არის თუ არა მიზანშეწონილი საარჩვენო კამპანიის 5 თვით ადრე დაწყება.

როგორც მინისტრმა აღნიშნა, ხუთთვიანი კამპანია სერიოზულ პრობლემებს შექმნის. ეს არ არის მიზანშეწონილი გადაწყვეტილება.

„რასაკვირველია ხუთთვიანი კამპანია ძალიან სერიოზულ პრობლემებს შექმნის. არ ვთვლი, რომ ამის აუცილებლობა არსებობს. ბოლოს და ბოლოს 25 წელია საარჩევნო რეჟიმში ვიმყოფებით და ასეთი პრაქტიკა ჯერ არ გვქონია“, - განაცხადა ჯავახიშვილმა.

მისივე თქმით, ის დარწმუნებულია რომ ეს საკითხები მოლაპარაკებების რეჟიმში მოგვარდება და ყველაფერი ისე იქნება რაც ქვეყნისთვის უკეთესი იქნება.

„არც ამომრჩეველი და არც არჩევნებში მონაწილე სუბიექტები არ დაზარალდებიან“, - განმარტა ნოდარ ჯავახიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”