„საქართველოს რესპუბლიკის მთავრობასა და გერმანიის ფედერაციული რესპუბლიკის მთავრობას შორის კულტურული თანამშრომლობის შესახებ" 1993 წლის 25 ივნისის შეთანხმების  შესაბამისად, საქართველოს საგარეო უწყებაში ქართულ-გერმანული შერეული კომისიის მეხუთე სხდომა გაიმართა.

საგარეო საქმეთა სამინისტროს ინფორმაციით, ქართული მხრიდან კომისიის სხდომას ხელმძღვანელობდა საგარეო საქმეთა მინისტრის მოადგილე ხათუნა თოთლაძე, ასევე კომისიის შემადგენლობაში წარმოდგენილნი იყვნენ საქართველოს კულტურისა და ძეგლთა დაცვის მინისტრის  მოადგილე ლევან ხარატიშვილი, საქართველოს განათლების და მეცნიერების მინისტრის მოადგილე გიორგი შარვაშიძე, ილიას სახელმწიფო უნივერსიტეტის რექტორი გიგა ზედანია, ასევე  საქართველოს ეროვნული მუზეუმის  და შესაბამისი დარგობრივი უწყებების სხვა წარმომადგენლები. გერმანიის ფედერაციული რესპუბლიკის დელეგაციას ხელმძღვანელობდა  გერმანიის ფედერალური საგარეო უწყების კულტურისა და კომუნიკაციების გენერალური დირექტორი ანდრეას გორგენი.

კომისიაზე განხილულ იქნა ორ ქვეყანას შორის კულტურის, განათლებისა და მეცნიერების სფეროში თანამშრომლობის სრული სპექტრი - გერმანიაში ქართული ენისა და საქართველოში გერმანული ენის ხელშეწყობის, აკადემიური და სამეცნიერო ურთიერთობების, პროფესიული განათლების, კულტურის, კულტურული მემკვიდრეობის სფეროში  თანამშრომლობის საკითხები, დაიგეგმა სამომავლო ერთობლივი პროექტების განხორციელება. განსაკუთრებული ყურადღება გამახვილდა 2017 წლის საქართველო- გერმანიის მეგობრობის   წლის ფარგლებში ღონისძიებების დაგეგმვაზე, ასევე 2018 წელს ფრანკფურტის წიგნის საერთაშორისო ბაზრობაზე საქართველოს საპატიო სტუმრის სტატუსით მონაწილეობის დეტალებზე.

კომისიის მუშაობის შედეგად, მხარეებს შორის გაფორმდა ოქმი, რომელსაც საქართველოსა და გერმანიის ფედერაციული რესპუბლიკის დელეგაციების ხელმძღვანელებმა მოაწერეს ხელი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”