საქართველოს პრემიერ-მინისტრის გიორგი კვირიკაშვილის განცხადებით, ორგანიზაციის „ჟურნალისტები საზღვრებს გარეშე“ რეიტინგში საქართველო ბევრ ევროპულ ქვეყანას უსწრებს წინ. 

როგორც კვირიკაშვილმა ევროსაბჭოს გენერალურ მდივანთან  ტორბიორნ იაგლანდთან პრესკონფერენციაზე განაცხადა, საქართველომ 2012 წლის შემდეგ 36 საფეხურით  გააუმჯობესა გამოხატვის თავისუფლების  საერთაშორისო რეიტინგი. 

„ამ რეიტინგით საქართველო არაერთ ევროპულ ქვეყანას უსწრებს, 64-ე ადგილზეა 180 ქვეყანას შორის, მაგრამ  ეს არის ის, რითაც არ შეიძლება,  ვიყოთ კმაყოფილი. უნდა გავაგრძელოთ მუშაობა ადამიანის უფლების დაცვის , კანონის უზენაესობის და ევროპული ინსტიტუტების მშენებლობის კუთხით, სწორედ ამიტომ ვართ აქ და ვიხილავთ 2016-2020 წლების სამოქმედო გეგმას, რათა საქართველო ვაქციოთ ჭეშმარიტ ევროპულ ქვეყნად, სადაც იქნება უმაღლესი ხარისხი ადამიანის უფლებების დაცვის, კანონის უზენაესობის და დემოკრატიული ინსტიტუტების განვითარების მხრივ“, - აღნიშნა პრემიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”