სირიაში "ისლამურმა სახელმწიფომ" 175 კაცი სიკვდილით დასაჯა

2016-04-08 17:29:34, 1138 ნახვა

მსოფლიო

ტერორისტულმა დაჯგუფება "ისლამურმა სახელმწიფომ" სირიაში 175 კაცი სიკვდილით დასაჯა, - ამის შესახებ ინფორმაციას ადგილობრივი მედია ავრცელებს.

მედია საშუელბის ინფორმაციით, ტერორისტებმა 300-მდე ადგილობრივი რამდენიმე დღის წინ დაატყვევეს და დამასკოსთან ახლოს მდებარე ცემენტის ქარხნიდან გაიტაცეს. დღეს კი ცნობილი გახდა, რომ 175 მათგანი მოკლეს.

"ისლამური სახელმწიფოს" მოკავშირე მედია საშუალებამ ვიდეო მასალაც გაავრცელა და ირწმუნება, რომ კადრები ქარხნის ტერიტორიაზეა გადაღებული. ეს ქარხანა სირიის დედაქალაქის ჩრდილო-აღმოსავლეთით მდებარეობს.

ცნობისთვის, ბოლო დღეების განმავლობაში დაჯგუფება ისლამურმა სახელმწიფომ ამ რაიონზე თავდასხმები გაააქტიურა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან