„ეკონომიკური ფართო პარტნიორობის მშენებლობა არის ჩვენი ურთიერთობის შემდგომი ნაბიჯი, ჩვენ გვაქვს ბრწყინვალე პოლიტიკური ურთიერთობები“, - ამის შესახებ პრემიერმინისტრმა გიორგი კვირიკაშვილმა ბრიტანეთისა და ჩრდილოეთ ირლანდიის გაერთიანებული სამეფოს საგარეო საქმეთა სახელმწიფო მდივანთან, ფილიპ ჰამონდთან შეხვედრის შემდეგ გამართულ ერთობლივ პრესკონფერენციაზე განაცხადა.

„ბრითიშ პეტროლიუმი საქართველოში 2 მილიარდი ევროს ოდენობის პროექტს რომ ახორციელებს, საქართველოსთვის მნიშვნელოვანი ფაქტია. გარდა ამისა, ჩვენ გვაქვს არაერთი წარმატებული მაგალითი ბრიტანული ინვესტიციების“, - განაცხადა  გიორგი კვირიკაშვილმა.

მისივე განმარტებით,  დღეს მთავრობის ადმინისტრაციაში მსხვილ ბრიტანულ საინვესტიციო ფონდ „LGM investments“,-ის წარმომადგენლებს შეხვდება, რომელიც საქართველოს ბანკის ერთ-ერთი მსხვილი აქციონერია.

 „ეს ფონდი კონკრეტულად ჩამოსულია იმისათვის, რომ განიხილოს სხვა ინვესტიციები , საინვესტიციო პორტფელი გააფართოვოს, საფინანსო სექტორის გარდა განიხილოს სხვა მიმართულებები. ასე, რომ ინტერესი საქართველოს მიმართ არის ძალიან მაღალი და ჩვენ რა თქმა უნდა მაქსიმალურად შევეცდებით, რომ ამ ინტერესის რეალიზება მოვახდინოთ და კონკრეტულ ინვესტიციებად ვაქციოთ“, - განაცხადა გიროგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს