„რუსეთი აიგნორებს საერთაშორისო სისტემაში არსებულ  ნორმებსა და წესებს, რომელიც  საფრთხესა და გამოწვევას წარმოადგენს  ყველა  ჩვენგანის მიმართ“ ,-ამის შესახებ ბრიტანეთისა და ჩრდილოეთ ირლანდიის გაერთიანებული სამეფოს საგარეო საქმეთა სახელმწიფო მდივანმა ფილიპ ჰამონდმა  პრემიერმინისტრ გიორგი კვირიკაშვილთან ერთად გამართულ პრესკონფერენციაზე  ჟურნალისტის კითხვაზე საპასუხოდ განაცხადა.

მისი თქმით,  პროგრესი მაშინ იქნება, თუკი  ქვეყნები  საერთაშორისო წესებსა და ნორმებს პატივს სცემენ.

„მე აღვნიშნე, რომ რუსეთი აიგნორებს საერთაშორისო სისტემაში არსებულ  ნორმებსა და წესებს, რომელიც რასაკვირველია საფრთხესა და გამოწვევას წარმოადგენს  ყველა  ჩვენგანის მიმართ. ყველას ჩვენ გვსურს,  რომ რუსეთმა ითამაშოს კონსტრუქციული  როლი  საერთაშორისო  თანამეგობრობაში. რუსეთს გააჩნია  მნიშვნელოვანი  ძალა და ზეგავლენა. ის იზიარებს ჩვენს შეშფოთებას,  მაგალითად ისლამური  ტერიორიზმის  თვალსაზრისით.

რასაკვირველია,  ჩვენ ვმუშაობთ, ყურადღებას ვამახვილებთ  იმ ქვეყანასთან პარტნიორობაზე, რომელიც აღიარებს  საერთაშორისო  წესებს, გარემოს, რომელშიც ჩვენ გვსურს ერთად ცხოცვრება და რასაკვირველია, ამ კუთხით ყველა  ქვეყანამ უნდა აღიაროს საერთაშორისო წესები და  ნორმები. ამიტომ, თუ იქნება პატივისცემა საერთაშორისო სისტემაში არსებული წესებისა, ამ შემთხვევაში მოვახერხებთ პროგრესს“,-განაცხადა ფილიპ ჰემონდმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.

ზელენსკიმ განაცხადა, რომ რუსეთის წინააღმდეგ შორი დისტანციის დარტყმები მშვიდობას აახლოებს