„ყველაფერი, რაც დღეს საქართველოში ხდება, ქვეყანას ევროპული გზიდან და ევროპული რეფორმებიდან აშორებს“, - განაცხადა საქართველოს მეხუთე პრეზიდენტმა, სალომე ზურაბიშვილმა Euronews-თან ინტერვიუში.

„ჩვენი სახელმწიფო რუსეთის მიერ არის მიტაცებული. ჩვენ გვაქვს რუსული მოდელი, რომელიც სწრაფად ხორციელდება. ეს რუსეთისთვის გაცილებით იაფია, ვიდრე უკრაინაში სამხედრო შეჭრა. ჩვენთვის ეს ნიშნავს ინსტიტუტების ხელში ჩაგდებას, მაგრამ ჩვენ გვყავს ძლიერი სამოქალაქო საზოგადოება, რომელიც იბრძვის“, - განაცხადა სალომე ზურაბიშვილმა.

ის ხაზს უსვამს ევროპის მიერ საქართველოსადმი მეტი ყურადღების მიქცევის მნიშვნელობას:

„ეს ადვილი არ არის, რადგან ჩვენ ბევრი კრიზისის წინაშე ვდგავართ, მაგრამ მნიშვნელოვანია, რომ გვქონდეს მორალური მხარდაჭერა. ეს მნიშვნელოვანია არა მხოლოდ საქართველოსთვის, არამედ ძლიერი ევროპისთვის, ასევე ჩვენი ამერიკელი პარტნიორებისთვის“.

სალომე ზურაბიშვილმა ასევე ისაუბრა უკრაინასა და რუსეთს შორის მიმდინარე სამშვიდობო მოლაპარაკებებზე.

„რა თქმა უნდა, ერთ დღეს ეს (რუსეთსა და უკრაინას შორის ომი) დასრულდება, მაგრამ ყველაზე მნიშვნელოვანი ის არის, თუ როგორ დასრულდება. რუსეთის ყველა მეზობელმა იცის, რომ რუსეთი ყოველთვის აგრესორია. ეს სამშვიდობო მოლაპარაკებები უკრაინის სუვერენიტეტისა და ტერიტორიული მთლიანობის პატივისცემით უნდა დასრულდეს და რუსეთმაც უნდა გაიგოს, რომ მას არ შეუძლია მეზობლების ტერიტორიების ოკუპაცია...

ტრამპის ქმედებების გამო პუტინის მიერ განცდილი გაურკვევლობა საუკეთესო მოკავშირეა, რომელსაც შეუძლია აიძულოს იგი დათანხმდეს სამშვიდობო შეთანხმებას“, - აღნიშნა სალომე ზურაბიშვილმა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს