„სიენენის“ ინფორმაციით, აშშ-ის პრეზიდენტი დონალდ ტრამპი ირანზე დიდი დარტყმისთვის ემზადება.

ამერიკული მედია ანონიმურ წყაროებზე დაყრდნობით წერს, რომ ირანთან ბირთვული პროგრამის გარშემო წარუმატებელი მოლაპარაკებების შემდეგ ვაშინგტონში განიხილავენ ირანზე დარტყმების მიტანის შესაძლებლობას. მედიის ინფორმაციით, სამიზნე იქნება როგორც ბირთვული ობიექტები, ასევე ირანის ხელმძღვანელობა და სახელმწიფო სტრუქტურები, რომელთაც, წყაროების ცნობით, ასობით მშვიდობიანი დემონსტრანტის დახოცვაზე აკისრებენ პასუხისმგებლობას.

„სიენენი“ ასევე წერს, რომ საბოლოო გადაწყვეტილება ჯერ მიღებული არ არის.

ამასთან, წყაროს ცნობით, ჩიხში შესულ მოლაპარაკებებში ვაშინგტონის მოთხოვნა იყო, რომ ირანი დათანხმებულიყო ბალისტიკური რაკეტების მოქმედების რადიუსის შემცირებას, რასაც განსაკუთრებული მნიშვნელობა აქვს ისრაელისთვის. „სიენენის“ ინფორმაციით, წინაპირობებს შორის ასევე სახელდებოდა ირანის მიერ ურანის გამდიდრებაზე საბოლოოდ უარის თქმა, ბალისტიკური რაკეტების შემუშავების პროგრამებზე შეზღუდვების დაწესება და რეგიონული მარიონეტული ძალების მხარდაჭერის შეწყვეტა. როგორც მედია იტყობინება, საპასუხოდ ირანმა განაცხადა, რომ მზად არის მხოლოდ ბირთვული პროგრამის გარშემო საკითხების განსახილველად.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს