შაბათს, მექსიკის დედაქალაქში ათასობით დემონსტრანტი შეიკრიბა, რომლებიც ძალადობრივ დანაშაულსა და პრეზიდენტ კლაუდია შაინბაუმის პოლიტიკას აპროტესტებდნენ.

სახელმწიფოს მეთაურმა განაცხადა, რომ მსვლელობები, რომლებიც ქვეყნის სხვა ქალაქებშიც გაიმართა, მისი მთავრობის მოწინააღმდეგე მემარჯვენე პოლიტიკოსების მიერ იყო დაფინანსებული.

დედაქალაქში გამართული მიტინგი Z თაობის ახალგაზრდულმა ჯგუფებმა ორგანიზება გაუწიეს და მას მხარი დაუჭირეს მოქალაქეებმა, რომლებიც, სხვა საკითხებთან ერთად, ურუაპანის მერის, კარლოს მანსოს, ბოლო დროს მკვლელობას აპროტესტებდნენ, რომელმაც კარტელების წინააღმდეგ მკაცრი ზომების მიღება მოითხოვა.

მომიტინგეებმა ეროვნული სასახლის, სადაც შაინბაუმი ცხოვრობს, დამცავი ბარიერის ნაწილი დაშალეს. კომპლექსის დამცველმა პოლიციამ ხალხის წინააღმდეგ ცრემლსადენი გაზი გამოიყენა.

მეხიკო სიტის უსაფრთხოების უფროსმა, პაბლო ვასკესმა, ჟურნალისტებს განუცხადა, რომ ხელისუფლებამ 20 ადამიანი დააკავა ისეთი დანაშაულისთვის, როგორიცაა ძარცვა და თავდასხმა.

მომიტინგეებმა პლაკატები აფრიალეს წარწერით „ჩვენ ყველანი კარლოს მანსო ვართ“, ზოგი კი მის პატივსაცემად კოვბოის ქუდებს ატარებდა.

მანსო 1 ნოემბერს მოკლეს, როდესაც მიცვალებულთა დღის ფესტივალს ესწრებოდა.

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა