თეთრ სახლში გამართულ პრესკონფერენციაზე აშშ-ის პრეზიდენტმა დონალდ ტრამპმა გამოაცხადა ინდოეთის მზადყოფნა, შეწყვიტოს რუსული ნავთობის შეძენა. „მან (ინდოეთის პრემიერ-მინისტრმა ნარენდრა მოდიმ - TMT) დამარწმუნა, რომ რუსეთიდან ნავთობს არ იყიდის“, - თქვა ტრამპმა. ამერიკის პრეზიდენტის თქმით, ინდოეთი მზად იქნება „მოკლე დროში“ უარი თქვას რუსულ ნავთობზე.

„შემდეგ კი, როდესაც ომი დასრულდება, მათ კვლავ შეეძლებათ მისი ყიდვა“, - დასძინა მან. ტრამპმა ასევე იმედი გამოთქვა, რომ ჩინეთი ინდოეთის მაგალითს მიჰყვება: „ახლა ჩინეთიც იგივეს გაკეთება გვჭირდება“.

უკრაინაში სრულმასშტაბიანი ომის დაწყების შემდეგ, ინდოეთი რუსული ნავთობის უმსხვილესი მყიდველი გახდა ფასდაკლებით, რითაც შეავსო დასავლეთის ქვეყნების უარის თქმის შედეგად დატოვებული სიცარიელე. „როიტერის“ ცნობით, რუსეთი ამჟამად ინდოეთის ნავთობის საჭიროებების დაახლოებით 40%-ს ფარავს, მაშინ როცა ომამდე ეს წილი 1%-ს არ აღემატებოდა. სექტემბრის ბოლოს „ბლუმბერგმა“ გაავრცელა ინფორმაცია, რომ ინდოეთი რუსული ნავთობის მიტოვებას განიხილავს იმ პირობით, რომ მისი ჩანაცვლება შესაძლებელი იქნება ირანიდან ან ვენესუელიდან მოწოდებით.

აგვისტოს დასაწყისში ტრამპმა ხელი მოაწერა აღმასრულებელ ბრძანებას, რომლითაც ინდურ საქონელზე დამატებით 25%-იანი ტარიფი დაწესდა, რაც ინდოეთის მიერ რუსული ნავთობის შესყიდვების გაგრძელების მიზეზად იქცა. 12 სექტემბერს აშშ-ის ადმინისტრაციამ G7-ის ქვეყნებს შესთავაზა, რომ ჩინეთსა და ინდოეთს რუსული ნავთობის შესყიდვებზე 50%-დან 100%-მდე ტარიფები დაეწესებინათ. 23 სექტემბერს გაეროს გენერალურ ასამბლეაზე ტრამპმა ეს ქვეყნები უკრაინაში მიმდინარე ომის „მთავარი სპონსორები“ უწოდა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს