ევროსაბჭოს საპარლამენტო ასამბლეამ (PACE) საქართველოს შესახებ მორიგი კრიტიკული რეზოლუცია მიიღო.

"ასამბლეა ღრმა მწუხარებას გამოხატავს იმის შესახებ, რომ საქართველოს ხელისუფლება მის შეშფოთებასა და რეკომენდაციებს საქართველოში დემოკრატიული კრიზისის შესახებ სისტემატურად უგულებელყოფს, რაც ფართოდ არის გაზიარებული საერთაშორისო საზოგადოების მიერ. დემოკრატიის სწრაფი უკუსვლა იმდენად გაგრძელდა, რომ დღეს უკვე კითხვის ნიშნის ქვეშ დგას თავად დემოკრატიის არსებობა საქართველოში" - ნათქვამია რეზოლუციის პროექტში.

რეზოლუციის პროექტში ასევე წერია, რომ "ასამბლეა გმობს საქართველოს ხელისუფლების მზარდ იზოლაციონისტურ პოლიტიკას და მტრულ დამოკიდებულებას ევროპულ ორგანიზაციებსა და მათ წევრ ქვეყნებთან".

მოახლოებულ თვითმმართველობის არჩევნებთან დაკავშირებით ევროსაბჭოს საპარლამენტო ასამბლეა აგრეთვე "გმობს იმ ფაქტს, რომ მისი მოწოდება დაუყოვნებლივი ინკლუზიური პროცესის დაწყების შესახებ, რათა ჩამოყალიბებულიყო საარჩევნო გარემო, რომელიც ხელს შეუწყობდა ახალ, ჭეშმარიტად დემოკრატიულ არჩევნებს, არ შესრულდა".

"ასამბლეა შეშფოთებულია იმით, რომ საჯარო მოხელეთა მიმართ მუქარა და შურისძიება, მათ შორის მასობრივი გათავისუფლებები, კვლავ გრძელდება. ეს საქართველოში დამოუკიდებელი და მიუკერძოებელი საჯარო სამსახურის არსებობას საფრთხის ქვეშ აყენებს" - ნათქვამია რეზოლუციის პროექტში.

ასამბლეა მხარდაჭერას უცხადებს ქართულ სამოქალაქო საზოგადოებას და გმობს მზია ამაღლობელისა და სხვა პოლიტპატიმრების სამართლებრივ დევნას.

ავტორი: ექსპრესნიუსი,

სოციალური ქსელები

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს