2025-09-17 11:28:59, 3623 ნახვა
მსოფლიო
ისრაელის თავდაცვის ძალების ცნობით, ქალაქ ღაზა 400 000-მდე პალესტინელმა დატოვა
ისრაელის თავდაცვის ძალების (IDF) ინფორმაციით, ქალაქ ღაზა დაახლოებით 400 000-მა პალესტინელმა დატოვა. როგორც სამხედრო უწყება იტყობინება, ევაკუაცია სახმელეთო ოპერაციის დაწყების შემდეგ განხორციელდა.
ამასთან, ისრაელის თავდაცვის ძალების პრესსპიკერმა, ავიჩაი ადრაემ, ქალაქის დასატოვებლად დროებითი მარშრუტების გახსნის შესახებ გამოაცხადა და აღნიშნა, რომ ეს მარშრუტები ღია მხოლოდ მომდევნო 48 საათის განმავლობაში იქნება.
შეგახსენებთ, რომ გუშინ ისრაელის შეიარაღებულმა ძალებმა ქალაქ ღაზას აღების მიზნით სახმელეთო ოპერაცია დაიწყეს.
ავტორი: ექსპრესნიუსი,
epn.ge (@expressnews.ge)
