აშშ-ის პრეზიდენტმა დონალდ ტრამპმა არაერთი განცხადება გააკეთა რუსეთის მიერ უკრაინის წინააღმდეგ წარმოებული ომის შესახებ. კერძოდ, მას მიაჩნდა, რომ მისი შეჩერება ყველაზე მარტივი იქნებოდა, „მაგრამ აღმოჩნდა, რომ სერიოზული პიროვნული კონფლიქტები არსებობს“.

ტრამპის თქმით, ომი საბოლოოდ შეწყდება. ამავდროულად, მან აღნიშნა, რომ უსაფრთხოების გარანტიების დეტალები ჯერ არ განხილულა.

„ევროპის ქვეყნები მათ მნიშვნელოვან უსაფრთხოების გარანტიებს მისცემენ და ეს უნდა გააკეთონ, რადგან ეს მათი კონტინენტია. მაგრამ ჩვენ ამაში ჩავერთვებით მხარდაჭერის თვალსაზრისით, დავეხმარებით მათ და ვფიქრობ, თუ შეთანხმებას მივაღწევთ, ჩვენ მშვიდობას დავუჭერთ მხარს, რადგან მინდა, რომ ხალხი აღარ კვდებოდეს“, - თქვა ამერიკელმა ლიდერმა.

მან ასევე გაიხსენა ბაიდენის ადმინისტრაციის მიერ უკრაინისთვის გაწეული დახმარება და თქვა, რომ ეს დაახლოებით „350 მილიარდ დოლარს“ შეადგენდა.

„მე ვთქვი, რომ ზელენსკი ყველაზე დიდი გამყიდველია, ვინც კი ოდესმე შემხვედრია, რადგან ის ქვეყანაში შემოდის და ყოველ ჯერზე 50 მილიარდ დოლარს იღებს. მაგრამ ჩვენ უკრაინას აღარ ვაძლევთ ფულს. სინამდვილეში, პირიქითაა: ისინი ნატოს მეშვეობით მიდიან, რაკეტებს ითხოვენ, ჩვენ კი ნატოს რაკეტებს ვყიდით. ნატო სრულად გვიხდის და რასაც უნდა, იმას აკეთებს მათთან“, - დასძინა ტრამპმა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს