აშშ-ის სენატორი ჯო უილსონი: „მამაცი ქართველი ხალხი 250 დღის განმავლობაში აპროტესტებდა „ქართული ოცნების“ ანტიამერიკულ რეჟიმს“

აშშ-ის რესპუბლიკელმა სენატორმა ჯო უილსონმა მხარდაჭერა გამოუცხადა ქართველ მომიტინგეებს და მმართველ პარტიას „ქართული ოცნება“ ქვეყნის ინტერესების ღალატსა და ავტორიტარულ რეჟიმებთან გაერთიანებაში დაადანაშაულა.

„ზედიზედ 250 დღის განმავლობაში, მამაცი ქართველი ხალხი აპროტესტებდა „ქართული ოცნების“ ანტიამერიკულ რეჟიმს.

ისინი მოითხოვენ, რომ დასრულდეს მათი ქვეყნის სრული გაყიდვა კომუნისტური ჩინეთისთვის, თეირანის ტერორისტული რეჟიმისთვის და ომის დამნაშავე პუტინისთვის.

ჩვენ გვჭირდება კანონპროექტი, რომელიც მხარს დაუჭერს საქართველოს, როგორც მოკავშირეს!“ - წერს უილსონი.

სენატორი უილსონი ერთ-ერთი ყველაზე ხმამაღალი მომხრეა ამერიკის მხრიდან საქართველოს მთავრობის მიმართ უფრო მკაცრი პოზიციის დასაკავებლად. მან არაერთხელ დაადანაშაულა „ქართული ოცნება“ ევროატლანტიკური ინტეგრაციის კურსიდან გადახვევასა და ავტორიტარულ რეჟიმებთან დაახლოებაში.

ავტორი: ექსპრესნიუსი,

სოციალური ქსელები

ევროპარლამენტი: მკაფიო გზავნილი საქართველოს და თურქეთს - რეფორმების გარეშე წინ ვერ წახვალთ

გაეროს ადამიანის უფლებათა საბჭოში საქართველოზე კრიტიკული ანგარიში მომზადდა

ლაიენი: სომხეთი აგრძელებს გზას დემოკრატიისკენ, EU-სთან უფრო მჭიდრო თანამშრომლობისკენ

ოცნების საგარეო: რუსეთსა და ოკუპირებულ ცხინვალს შორის შეთანხმებაზე შეშფოთება გამოვთქვით