„მეტი, ვიდრე სპორტი“ - ასე შეაფასა მატჩი  საქართველოს პრემიერ-მინისტრმა გიორგი კვირიკაშვილმა და ქართველ მორაგბეებს, ნაკრების მწვრთნელსა და რაგბის გულშემატკივრებს გამარჯვება მიულოცა.

„ეს იყო მართლაც გმირული თავგანწირვა, რომელმაც ძალიან დიდი წარმატება მოიტანა. მინდა, მივულოცო ყველა ჩვენს თანამოქალაქეს, სპორტსმენებს, მათ მწვრთნელს და მინდა, მადლობა გადავუხადო ამხელა გმირობისა და თავდადებისთვის. ეს მარტო სპორტი აღარ არის, ეს არის ეროვნული სულისკვეთების გამოხატულება და ძალიან ამაყი ვარ დღევანდელი დღით", - განაცხადა პრემიერ-მინისტრმა. 

საქართველოს მორაგბეთა ეროვნული ნაკრები ევროპის ერთა თასის 2016 წლის გამარჯვებულია. 38:9 - ამ ანგარიშით დაამარცხეს „ბორჯღალოსნებმა" რუმინეთის ნაკრები. ქართველმა მორაგბეებმა, ევროპის ერთა თასთან ერთად, ანთიმოზ ივერიელის თასიც მოიპოვეს, რომელიც, ტრადიციულად, საქართველო-რუმინეთის ნაკრებთა დაპირისპირებაში თამაშდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა