2025-05-30 14:31:33, 648 ნახვა

---

ჰაკან ფიდანი - შესაძლებელია, სტამბოლში ჩატარებული მოლაპარაკებები დაგვირგვინდეს ტრამპის, პუტინისა და ზელენსკის შეხვედრით, რომელსაც ერდოღანი უმასპინძლებს

შესაძლებელია, სტამბოლში ჩატარებული მოლაპარაკებები დაგვირგვინდეს ტრამპის, პუტინისა და ზელენსკის შეხვედრით, რომელსაც ერდოღანი უმასპინძლებს, – ამის შესახებ თურქეთის საგარეო საქმეთა მინისტრმა, ჰაკან ფიდანმა კიევში, უკრაინის საგარეო საქმეთა მინისტრთან, ანდრეი სიბიგასთან შეხვედრისას განაცხადა.

როგორც ფიდანმა აღნიშნა, სტამბოლში დამტკიცდა, რომ მოლაპარაკებებს შეუძლია, კონკრეტული შედეგების მოტანა.

„ჩვენ ან თვალს დავხუჭავთ ამ ომის გაგრძელებას, ან მიმდინარე წლის განმავლობაში მივაღწევთ მუდმივ მშვიდობას. სტამბოლში ჩვენ დავამტკიცეთ, რომ მოლაპარაკებებს შეუძლია, კონკრეტული შედეგების მოტანა. ჩვენ გვინდა, რომ სტამბოლში მიღწეული იმპულსი გაგრძელდეს. მიგვაჩნია, რომ შესაძლებელია, სტამბოლში ჩატარებული მოლაპარაკებები დაგვირგვინდეს ტრამპის, პუტინისა და ზელენსკის შეხვედრით, რომელსაც უმასპინძლებს ბატონი ერდოღანი“, – განაცხადა ფიდანმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი